КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
Објавено во: Македонија 26 Април, 2024
Метеорологот Славчо Попоски излезе со долгорочна анализа на времето за следните неколку месеци. Но, како што вели тој, таа не може да биде конечна, бидејќи промени ќе има кои ќе влијаат на прогнозата.
„Барем според сегашните изгледи на прогностичките материјали со кој ние располагаме, во периодот мај, јуни и јули температурите во Македонија ќе бидат за степен до два повисоки, што значи дека треба да очекуваме нешто потопло време. Но да не заборавиме дека се можни исклучоци, односно периоди со потпросечни температури и поладно време од вообичаеното. Што се однесува пак до врнежите, тие би биле околу, или нешто натпросечно високи, односно повремено би можеле да имаме и повеќе врнежи. Но, поради тоа што нормално температурите како што ќе растат, така ќе се загрева и Атмосферата и ќе се исполнува со енергија. Во ваква ситуација, ќе растат условите за создавање на грмотевични облаци и за временски непогоди во Македонија“, вели Попоски.