ФРАНЦИЈА: Ги навредувал на арапски, па сакал да ги прегази
Објавено во: Свет 29 Март, 2018
Француската полиција го уапси мажот кој е осомничен дека со автомобил налетал утрото на војници кои џогирале во близина на базата во француските Алпи.
Осомничениот е уапсен во близина на местото на нападот во Варс Алијер е Рисе, соопштила француската полиција на Твитер. Полицијата трагаше по возачот кој утрото возејќи покрај војниците ги навредувал на арапски јазик, заканувајќи им се со смрт, по што се обидел да ги прегази. Возачот побегнал, а во областа Изер се распоредени безбедносни сили, кои тргнале во потрага по него, објавија француските медиуми.