ГАРАНТ ИНВЕСТ – нов производ на Генерали Инвестментс и Кроациа осигурување - живот
Објавено во: Мои пари 17 Декември, 2019
Гарант Инвест претставува балансиран производ за осигурување на живот поврзано со инвестициски фондови.
Производот е наменет за модерни и одговорни луѓе кои се подготвени да прифатат распределба на ризикот преку комбинирано вложување – вложување во Генерали Топ Брендови, со цел остварување на повисок очекуван принос на вложените средства и вложување во осигурување на живот во случај на смрт и доживување со цел обезбедување на гарантирана осигурена сума од Кроациа осигурување - живот.
Овој производ е еднинствен на нашиот пазар и е резултат на успешната соработка помеѓу двете добро етаблирани финансиски институции.
Generali е независна меѓународна финансиска групација основана во 1831 година, а денес е присутна во повеќе од 50 држави во светот. Илјадници професионалци се грижат за клиентите,а според Fortune Global 500 врз основа на индикаторите на продажба, профит, средства и пазарна вредност е рангирана меѓу 60-те најголеми компании во светот. Друштвото Generali Investments CEE, од кои е дел Генерали Инвестментс АД Скопје, е најголемо друштво за управување во Централна и Источна Европа.
Како компанија што најдобро ги познава потребите на инвеститорите, со професионален однос и долга традиција на управување со средства на нашиот пазар, Генерали Инвестментс АД Скопје (претходно КД Фондови)стана дел од меѓународен финансиски гигант кој нуди уште повеќе.
Кроациа осигурување – живот е лидер на пазарот за животно осигурување во Р. Македонија.
Од самото основање компанијата бележи позитивен тренд на работа и ја јакне својата пазарна позиција. Преку постојано воведување на иновации, нови производи, воспоставување на супериорен систем за грижа на корисници и праведен и брз систем за решавање на штети, Кроациа Осигурување – Живот се издвои како компанија која за македонските граѓани претставува синоним за сигурност и квалитет.