Гастербајтерите се поактуелни во Нов Зеланд-ги повикува и премиерот
Објавено во: Свет 27 Февруари, 2017
Нов Зеланд спаѓа во земјите кои отсекогаш барале квалификувана работна сила и имале недостиг од дефицитарен кадар.
Сега овој факт со доказ го поткрепи премиерот на Нов Зеланд кој вели дека неговата земја треба да се потпира на гастарбајтерите.
Откаде произлезе овој став?
Бил Инглиш потенцира дека многумина жители не можат успешно да ги поминат тестовите за наркотици на работните места и дека ќе мора да се поработи на миграцијата.
Според статистичките служби на Нов Зеланд миграцијата пораснала за 71.300 лица од 31 јануари 2016 до 31 јануари годинава
„Една од тешкотиите во денешно време е поминувањето на тестовите за наркотици, нагласи Инглиш. Согласно правилата за безбедност при работење, не може на работното место да има луѓе под дејство на наркотоци. Многу од нашите млади луѓе не можат успешнода го поминат овој тест“, посочува новозеландскиот премиер.
Инглиш потенцира дека рекордното ниво на миграција е нешто убаво за неговата земја.
“Тоа е чувството дека си растечка економија со доверба, насока и Влада што е фокусирана на помагањето на растот, а не на обидот ја спречи миграцијата“, заклучил премиерот на ветената земја.