Генералот Младиќ осуден на доживотна затворска казна
Објавено во: Балкан 22 Ноември, 2017 12:56
Меѓународниот кривичен трибунал во Хаг го прогласи поранешниот генерал на босанските Срби, Ратко Младиќ, за виновен и го обвини за геноцид.
Младиќ е осуден на доживотен затвор. Трибуналот го осуди за 10 пд 11 обвиненија, меѓу кои и геноцид, воени злосторства и злосторства против човештвото, објави АФП.
„Поради овие злосторства, судот го осуди Ратко Младиќ на доживотен затвор“, рекол Алфонс Ори, претседател на судот.
Претходно, при читањето на пресудата, Младиќ беше отстранет од седницата откако почнал да вика против судиите, обвинувајќи ги за лага.
Емоционалниот излив на обвинетиот дојде откако претседателот на судиската комисија Алфонс Орие го отфрли барањето на одбраната денешната седница да биде одложена, бидејќи Младиќ имал висок крвен и не бил во добра здравствена состојба.
„Тие лажат, вие лажете. Не се чувствувам добро“, викал тој на српски, пред да биде однесен од двајца чувари.
Младиќ е обвинет за масакрот во Сребреница во 1995 година. Тогаш се убиени над 8.000 лица - мажи и момчиња. Ова е најголемото масовно убиство во Европа од Втората светска војна.
„Младиќ придонесе значително за масакрот во Сребреница во 1995 година и има цел да го уништи босанското муслиманско население таму“, категорични беа судиите кои го определија Младиќ како „олицетворение на злото“.
Пресудата во живо беше набљудувана од страна на жртвите на Младиќ и нивните роднини во меморијалниот центар во близина на Сребреница, како и од страна на многу луѓе пред судницата.
AP Photo/Peter Dejong, Pool
Можеби ќе ве интересира
Властите ја соопштија причината за пожарот во домот за стари лица во Тузла
ХАОС ВО БЕЛГРАД: Автомобил удрил во група луѓе - повредените префрлени во болница
Белград добива метро, првата линија готова за 2-3 години
Тивка смрт на уште еден југословенски гигант: По 65 години згасна фабриката што хранеше стотици семејства
Бугарски медиум објави за кое дело ќе го гонат македонскиот лекар кој прегази куче
„Нема повеќе луксуз да купуваме време“ – Кој е „третиот партнер“ што сака да го преземе НИС? Дали САД ќе го одобрат?
(ВИДЕО) МАСОВНА ТЕПАЧКА ВО ЗАГРЕБ: Граѓаните вознемирени се јавуваа во полиција
Бугарија се соочува со недостиг на гориво: „Залихи има за околу еден месец“
Како Црна Гора стана најбрзорастечкиот центар на милионери во светот?
