Германските градови во паника од напливот на сиромашни Бугари и Романци

Добивај вести на Viber

Германските градови ја молат Владата да им помогне финансиски, за да се справат со масовниот прилив на сиромашни бугарски и романски имигранти, информира АФП. Откако Романија и Бугарија во 2007 година влегоа во Европската унија, Германија стана најпосакувана дестинација поради добрата економија. За пет години, бројот на имигрантите од двете земји се зголемил тројно и на крајот на 2012 година достигнува 330 000 луѓе, пишува АФП. И додека државата се соочува со сериозен недостиг на работна сила поради нискиот наталитет, Германија е отворена за емиграцијата, но се плаши од прилив на сиромашните и неквалификувани луѓе. Државата прифаќа се повеќе дипломирани млади луѓе од земјите во криза од Јужна Европа (Грција, Шпанија, Португалија), а по Полјаците, Бугарите и Романците се меѓу најголемите емигрантски заедници во последниве години. За нив ограничен е пристапот до пазарот на труд и немаат право на големи бенефиции, факто кој може да се промени по 1 јануари 2014 година, ако Бугарија и Романија се приклучат, според планот, кон Шенген зоната. Стравувајќи од уште помасовни приливи и од социјалните и финансиски последици, Германија се закани дека ќе го искористи своето право на вето. Неодамна многу градови, меѓу кои и најсиромашните како Манхајм, Дортмунд и Дуисбург сериозно се загрижени. Управувани од левицата, овие општини бараат помош од федералната држава, за да се справат со како што велат „имиграција на сиромаштијата". Сепак извештајот на германски експерти на покажува меѓутоа дека 22% од луѓето кои пристигнуваат од овие земји се "високо квалификувани" и 46% "квалификувани" за професии од кои Германија има потреба.