ГИ БЛОКИРАА ВО НЕКОЛКУ СТАНОВИ: Руските специјалци во акција за разбивање на терористички групи во Дагестан

Добивај вести на Viber

ФСБ воведе режим на антитерористички операции во Дагестан. 

Специјалните сили на руската Федерална служба за безбедност (ФСБ) ги блокирале терористите во неколку станови во населбите Махачкала и Каспијск, информираше денеска информативниот центар на Националниот антитерористички комитет.  Жителите од околните куќи се евакуирани.

„За време на оперативните претресни активности извршени од безбедносните служби во Дагестан, добиени се информации за тоа каде се вооружени лица инволвирани во терористички активности. Специјалните сили на ФСБ ги блокираа во неколку станови во станбените области на Махачкала и Каспијск, обезбедија безбедност на граѓаните, шефот на регионалниот оддел на ФСБ воведе режим на антитерористички операции“, се вели во соопштението, а пренесува РИА Новости.

Дагестан е руска република лоцирана во Северен Кавказ со доминантно муслиманско население. 

Инаку, на 22 месецов во Москва имаше терористичкиот напад во кој загинаа 144 луѓе, а многу се повредени. Нападот го извршија Таџикистанци. Тие се притворени и ќе им се суди. Им се заканува доживотен затвор. Исламска држава ја презеде одговорноста за нападот. 

Таџикистанското Министерство за труд, вработување и миграција извести дека повеќе мигранти се враќаат дома од Русија од вообичаено.