Гордоста на словенечката индустрија: Зошто „Горење“ префрла дел од производството во Србија ?
Објавено во: Економија 12 Март, 2019
Некогашната гордост на словенечката индустрија, познатите фрижидери „Горење“ од Велење ќе се произведуваат во Србија.
Фабриката „Горење Ваљево“ членка на „Горење групата“ која од минатата година е во мнозинско сопствеништво на кинеската „Хајсенс група“ , во наредниот период ќе стане европски центар на таа групација за техника.
Овие денови се приближува кон крај префрлувањето на преостанатиот дел од производството на фрижидери на новата генерација . Се работи за продукција на околу 150 000 уреди годишно и во тој потфат се инвестирани околу четири милиони евра, пишува Политика.рс.
Се очекува најдоцна од 1 април целосната техника на „Горење“ да биде произведена во Ваљево а во план е покрај постоечките погони, на локацијата на некогашната фабрика „Елинд“ да биде изградена уште една голема производна сала.
Капацитетот ќе биде 750 000 уреди годишно, што значи дека валевското производство ќе биде зголемено двојно. Планирано е пробното производство во новиот погон, кој ќе вработи нови илјада работници, да почне во октомври 2020, а редовното во јануари 2021 година.