ГОРЕЛ НА ЗЕМЈАТА: Ново драматично видео од падот на украинскиот боинг во Иран
Објавено во: Свет 11 Јануари, 2020
Американската телевизиска станица Си-Ен-Ен објави ново видео од несреќата на „боинг 737“ од украинската авиокомпанија што се сруши во Техеран.
Авионот се урна пред два дена додека заминуваше од аеродромот во Техеран.
Новиот клип објавен од Си-Ен-Ен покажува пад на авионот, а се е снимено од блиското фудбалско игралиште во градот Кала Абад, кој се наоѓа југо-западно од Техеран.
Видеото покажува огромна експлозија кога авионот удора во земја кога се урива.
Во несреќата загинаа 167 патници и девет членови на екипажот.
Авионот се сруши во време на засилени тензии меѓу Иран и САД, само неколку часа откако Техеран изврши ракетни напади врз бази во Ирак. Ова беше одговор на Техеран на атентатот врз командантот на специјалните сили на Иранската револуционерна гарда, Касем Сулејмани.
Првичната истрага за падот на авионот откри дека авионот имал проблеми при напуштањето на аеродромот и се обидувал да се врати назад.
Украинската амбасада во Техеран прво соопшти дека не станува збор за терористички или ракетен напад. Набргу потоа соопштението беше повлечено.
Последователно, првите обвинувања се појавија дека иранска ракета удрила во авионот. Ова го потврдиле официјален претставник на Пентагон и американски и ирачки разузнавачки службеници. Претставниците на Пентагон велат дека авионот случајно било соборен.
И канадскиот премиер Џастин Трудо изјави дека добил информација од голем број различни разузнавачки извори дека украинскиот „Боинг 737“, во кој имало најмалку шеесет и три Канаѓани, бил соборен од Иранците.
Техеран остро ги негираше тврдењата дека украински авион бил погоден од иранска ракета. Прво, иранската администрација за цивилно воздухопловство ги отфрли тврдењата на САД дека украинскиот авион бил соборен од иранска ракета, нарекувајќи ги „нелогични гласини“.
Владата на Техеран исто така ги негираше обвинувањата. Се проценува дека извештаите за авионот соборен од иранска ракета претставуваат психолошка војна против земјата.
Иранските власти им дадоа пристап до црните кутии на украинските експерти кои ќе ги испитаат причините за несреќата на авионот.
(Foto: Jutjub)
Можеби ќе ве интересира
ДАЛИ СЕ РАЃА НОВА НАДЕЖ ВО БОРБАТА СО РАКОТ: Започнуваат клиничките испитувања во фаза 3, британците тестираат вакцини за меланом
БАКИНГЕМСКАТА ПАЛАТА ИЗЛЕЗЕ СО ВАЖНО СООПШТЕНИЕ ЗА ЗДРАВЈЕТО НА КРАЛОТ ЧАРЛС: Еве кога и дали воопшто ќе се врати на должностите
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
ОБЈАВЕНА ГОЛЕМА АНАЛИЗА КОЈА ЈА ПОКАЖУВА ГОРКАТА ВИСТИНА: Најмногу отрови се пронајдени во овие овошја и зеленчуци
ОВА Е ЧОВЕКОТ КОЈ ЈА ЧУВА „ВРАТАТА“ НА АРАПИТЕ: Тежи 1,5 трилиони долари, никој не може да го сретне, ниту 10 минути
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
КУЌИ СРАМНЕТИ СО ЗЕМЈА, ВОЗОВИ ЛЕТАА ОД ШИНИТЕ: Десетици торнада ги погодија САД
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
