Град кој пред 25 години банкротирал, денес е најдобро место за живот

Добивај вести на Viber

Копенхаген банкротирал во 1994 година, а потоа успеал од уништен, индустриски центар, да стане, официјално најдоброто место за живот во светот.

Копенхаген денес има исчистено и уредено пристаниште во кое жителите уживаат, како и одлична инфраструктура и урбанистичка политика која акцент става на велосипедистите и пешаците.

Урбанистот Јакоб Мацен објаснил дека по банкротот на градот пред 25 години, земјиштето на Копенхаген е префрлено во сопственост на организацијата  By & Havn, но дека градот сепак поседува 95% од нејзините акции. По воспоставување на ваквата организација, почнува препородувањето на градот.

Копенхаген моментално се наоѓа под управата на главниот градоначланик и шест дополнителни градоначалници од различни области.

Човекот и неговите потреби

Човекот и неговите потреби, како и состојбата на неговиот дух биле од исклучително значење за урбанистичката и архитектонска трансформација на Копенхаген. Панорамата на градот, каква што некогаш била, не се променила значајно. Новите објекти воглавно не надминуваат четири до пет катови освен новите посебно значајни градски градби кои се со нешто поголема висина и габарит.

Значаен елемент на Копенхаген е водата. Освен пристаништето, кое e уреденo на начинот во неа да може непречено да се капе, постојат и многубројни водени канали. Имено, жителите на Копенхаген неретко имаат проблем со значајни количини врнежи, така што посебна студија била насочена на создавање мали канали низ градот кои би ја собирале дождовницата што поефикасно која потоа се враќа во системот.

Одржлива економија

Данците се познати по грижата за одржливсот, па така и проектот за трансформација на Копенхаген е вткаен низ проекти од овие области, како бескрајните полиња на ветерници, но зелените кровови на рестораните кои на врвот на објектот имаат градини каде се одгледуваат билки и зеленчук за своите потреби.

Со оглед на фактот дека 50 посто од жителите на Копенхаген секојдневно користат велосипеди како превозно средство, од исклучително значење било да се оформи функционален систем за велосипеди во градот.

Високи цени на становите

Скапите недвижнини се уште еден проблем. Секако, нивните цени пораснале бидејќи овој град е еден од најпосакуваните за живот во светот, па многумина токму таму посакуваат трајно да се преселат.

Секој месец во Копенхаген се доселуваат нови 1000 граѓани, и се планира до 2029 година популацијата на овој град да биде поголема за 100 000 луѓе. За да се намали цената на недвижнини, во данската престолнина, се прават нови острови со насипање на земјиште кое е ископано со градбата на нови линии метроа. Со тоа ќе добијат евтини станови и станови за студените.