Градежништвото падна и на берзата
Објавено во: Финансии 13 Јуни, 2018
Градежништвото е единствената стопанска гранка која остварила негативен резултат во првиот квартал од 2018-та во тргувањето со акции на македонската берза а една година претходно имало позитивен раст истиот период лани, што е во корелација со големиот пад на производството во првото тромесечје годинава во македонскиот БДП.
Секторот во периодот од 1 јануари до 31 март во 2017-та на берзата имал позитива од 31.358.000 денари, а годинава е во минус од 18.029.000 денари.
Кај другите сектори нема промени од плус во минус, а може да се каже дека има голем раст кај банкарството од 1.425.906.939 денари во првото тромесечие во 2017-та до 3.211.835.128 во јануари-февруари-март годинава.
Во индустријата има многу поголем раст од она што изминатата недела квартално го покажа Бруто домашниот производ и таму скокот е од 108.577.722 денари на 366.544.104 денари.
Вкупната нето-добивка кај сите гранки гледано квартално е повеќе од двојна и изнесува 4.251.255.783 денари, за разлика од истите три месеци лани кога била 2.031.056.001 денари.
Земјоделството на берзата ја продолжува негативата, која е двојно помала од -63.024.000 денари на -31.106.000 денари. Падот продолжува и кај трговијата (-883.000/-163,060,000) и угостителството (-15.962.386/-13.491.018)
Кај осигурувањето темпото останува исто (41.949.809/47.369.798), како и кај услугите (380.868.197/346.804.727) и фармацијата (280.475.931/250.067.797).