ГРАЃАНИТЕ НА МАКЕДОНИЈА ДЕНЕСКА ГЛАСААТ ВО 44 ОПШТИНИ ЗА ГРАДОНАЧАЛНИК: Скопјани бираат градоначалник на Градот и уште на четири општини
Објавено во: Македонија 31 Октомври, 2021
Почна гласањето од
вториот круг на локалните избори, а денеска 1.353.990 граѓани со право на глас
во 44 општини на 2.481 избирачки места бираат свои градоначаници. Гласачките
кутии се отворени од 7 частот утринава во општините: Арачиново, Битола,
Боговиње, Брвеница, Василево, Вевчани, Врапчиште, Гевгелија, Гостивар, Дебарца,
Демир Капија, Демир Хисар, Долнени, Желино, Зелениково, Карпош, Кичево, Конче,
Кочани, Кратово, Куманово, Лозово, Македонска Каменица, Македонски Брод, Ново Село,
Охрид, Пехчево, Пробиштип, Радовиш, Ранковце, Ресен, Росоман, Старо Нагоричане,
Струга, Студеничани, Теарце, Тетово, Центар, Чаир, Чашка, Чешиново-Облешево,
Чучер Сандево, Шуто Оризари и Град Скопје. Гласањето ќе трае до 19 часот.
Првпат на овие избори идентитетот на гласачите се утврдува со уреди за вчитување на отисоци од прсти, односно уреди за биометриска идентификација. И покрај тоа што при ваквиот начин на идентификација во првиот круг на одредени гласачки места се јавија извесни проблеми, од ДИК на вчерашната прес-конференција нагласија дека очекуваат при денешното гласање да бидат надминати проблемите со уредите за биометриска идентификација на гласачите.
На сите избирачки места, гласањето се спроведува согласно протоколите и анти-ковид мерките.