Грчки лидер вели дека сепак треба да не одведат во ЕУ
Објавено во: Балкан 08 Октомври, 2018
Претседателот на партијата Река, Ставрос Теодоракис вели дека треба да се отвори патот за малите балкански земји кон Европската Унија.
Тој за грчката државна телевизија ЕРТ рече дека ќе треба да почекаат што ќе одлучи нашата земја.
Сепак вели дека Грција треба да им помогне на малите земји од Балканот, да ги одведеде во Европската унија.
„Ние како Грци верувам дека треба сите, освен некои екстремни гласови, да сме согласни дека овие земји, овие мали земји од јужниот Балкан, треба да се одведат во Европската Унија. Треба да им го отвориме патот, треба да им помогнеме, затоа што сакаме ова соседство да биде соседство на развој“- рече Теодоракис.
Тој вели дека сега одлуки ќе носат Собранието и премиерот Зоран Заев.И од грчката Владата деновиве порачаа дека Договорот од Преспа уште е жив.
Портпаролот Димитрис Ѕанакопулос го повтори ставот на грчкото МНР дека резултатот од референдумот е контрадикторен, но додаде дека „ако не греши референдумот имаше поголема излезност од на пример излезноста на претседателските избори”.