Грчки медиуми: Коѕијас во Парламентот ќе претстави доверливи документи за преговорите за името
Објавено во: Балкан 16 Јуни, 2018
По наредба на Никос Коѕијас, околу 30 доверливи документи поврзани со преговорите за името, било побарано од грчкото МНР да се декласифицираат, а денеска министерот за надворешни работи на Грција ќе ги објави на расправата во Парламентот, објавуваат грчките медиуми, повикувајќи се на владини извори, пренесе МИА.
Како што наведува агенцијата, информацијата не постои официјална потврда, а според натписите, станува збор документи кои откриваат како преговарале претходните грчки влади, на што се согласиле, што предложиле.
Се додадва и дека шефот на грчката дипломатија, во изминатиот период, преку интервјуа за медиумите ги обвинувал партиите во Грција кои во минатото биле на власт, а сега се опозиција и против договорот, дека преговарале со помеки позиции и за тоа постојат документи во министерството.