Грција ќе им додели земјиште на мигрантите за да работат?
Објавено во: Балкан 24 Август, 2017
Грчкото Министерството за рурален развој размислува за проект за концесија на земјиште за 1.000 до 1.500 бегалци.
Министерот за рурален развој, Вангелис Апостолу ги проучува изгледите за концесија за земјиште отпрвин на 1.000 до 1.500 бегалци, така што тие ќе можат да работат.
Се смета дека ако работат на земјата, се избегнува ризикот од нивно прибегнување кон нелегални активности.
Ова би се реализирало во области во северна и централна Грција. Министерството за миграциони политики е во контакт со синдикатите, дури и со индустријалците, со цел да организира програми за вработување мигранти.
Есенва ќе се направат напори за комплетирање на детален регистар на вештините и професионалното искуство на илјадници бегалци, за бегалците и мигрантите координирано да можат да добијат работни места во области со мал интензитет, како што е земјоделството.