Грците го „ископираа“ македонскиот ваучер-систем за домашен туризам
Објавено во: Економија 14 Јуни, 2020
На денешната прес-конференцијата што се одржа денеска на островот Санторини, министерот за туризам на Грција, Хари Теохарис, ја претстави домашната програма за ваучер за туризам за нискодоходовните Грци.
Говорот на Теохарис се фокусираше на ваучер-програмата „Туризам за сите“ вредна 30 милиони евра, што се однесува на околу 250.000 грчки граѓани со ниски приходи кои можат да уживаат во субвенциониран одмор од една недела во многу дестинации од земјата.
Програмата има за цел да го стимулира туризмот во корист на бизнисите во секторот, рече министерот, преку субвенционираното сместување за голем број гости, со што се очекува да се зајакне „ликвидноста на туристичките компании со дополнителни мултипликантни придобивки за локалните економии“. забележа тој.
Се очекува еден милион ноќевања да се резервираат преку оваа програма. Програмата „Туризам за сите“ ќе трае од 15 јули до 31 декември и може да се аплицира преку регистарот на даноци на Владата.