05 Декември, 2021
0.0240

ГУВЕРНЕРКАТА БЕЖОСКА: Ќе има ревидирање нагоре на стапката на инфлација, но тој раст нема да биде драматичен

Објавено во: Финансии 14 Октомври, 2021

Точно е дека има инфлациски притисок, вели гувернерката на Народна банка на Македонија, Анита Ангелоска-Бежоска, но тие притисоци се предизвикани од надворешни фактори.

Гувернерката ова го изјави на Самитот на Западен Балкан организиран од Економист. 

„Точно е дека има инфлаторни притисоци, но тие се на страната на понудата и се предизвикани од надворешни фактори, како што се цените на енергијата и суровините, а не се предизвикани од домашната потрошувачка, која сеуште е на нивото од пред кризата во земјава“, нагласи гувернерката.

Според неа, стапката на инфлација која што НБМ ја имаше проектирано за годинава сигурно ќе биде ревидирана нагоре, но порастот нема да биде драматичен.

„НБМ е во процес на ревидирање на тој индикатор, но сигурно нема да биде драматично зголемувањето на стапката“, рече гувернерката. Таа нагласи и дека платите растат, но тој раст на платите треба да биде проследен и со раст на продуктивноста.

Според Ангеловска-Бежоска, потрошувачката во земјава се уште е на нивото од пред кризата, што го покажуваат податоците. Ова е уште еден аргумент дека инфлацијата не е стимулирана од потрошувачката, туку од надворешни фактори. 

Министерот за финансии Фатмир Бесими рече дека Финансии соработува со НБМ, и дека е клучна соработката меѓу тие институции. Тој нагласи дека сега се трошат средствата од еврообврзницата од 700 милиони евра што ги зеде земјава, а ќе се обезбедат и средства од домашнит пазар, но и на други начини, за финансирање на долгот на државата. Нагласи и дека ќе се користат и проекти од иселениците во земјава.

Н.Н.Ф. 

Можеби ќе ве интересира

ВРТОГЛАВ ПАД НА БИТКОИНОТ: За еден ден изгуби над 6.000 долари

ВРТОГЛАВ ПАД НА БИТКОИНОТ: За еден ден изгуби над 6.000 долари

Генерали инвестментс: Ниските проценки во здравствената индустрија се помалку атрактивни

Генерали инвестментс: Ниските проценки во здравствената индустрија се помалку атрактивни

УГОСТИТЕЛИТЕ ТВРДАТ: Во земјава има над 50.000 регистрирани сметки со криптосредства, сакаат и тие да издаваат и тргуваат

УГОСТИТЕЛИТЕ ТВРДАТ: Во земјава има над 50.000 регистрирани сметки со криптосредства, сакаат и тие да издаваат и тргуваат

АСО: Бројот на претставки решени во корист на осигурениците зголемен за 83 отсто

АСО: Бројот на претставки решени во корист на осигурениците зголемен за 83 отсто

Петер Зелен доби согласност од НБМ да биде реименуван за член на Управен одбор на НЛБ Банка

Петер Зелен доби согласност од НБМ да биде реименуван за член на Управен одбор на НЛБ Банка

Преку новите совети СКСМ ќе ја јакне конкурентноста на компаниите

Преку новите совети СКСМ ќе ја јакне конкурентноста на компаниите

„Макпетрол“ со добивка од речиси 20 милиони евра во првите три квартали од годината

„Макпетрол“ со добивка од речиси 20 милиони евра во првите три квартали од годината