И академик Луан Старова на листата на ДУИ
Објавено во: Македонија 25 Јануари, 2019
Академикот и книжевник Луан Старова е последниот на листата предлози на ДУИ кои му се сугерираат на владиниот коалиционен партнер СДСМ како консензуален кандидат за претседател на Македонија на изборите во април, односно мај.
Ова го потврди пратеникот на ДУИ, Реџаил Исмаили, вчера во емисијата „Патот кон“ на телевизија Алсат, а членот на МАНУ е последен во низата предлози на партијата за кои прифатливи се и Денко Меалески, Лазар Еленовски, Владо Поповски и Луан Старова.
Старова е роден во Подградец, а во Скопје се школува на македонски јазик. Автор е на повеќе познати романи меѓу кои „Балнаска сага“, „Балканвавилонци“, „Генералот и пеперугата“, „Враќањето на козите“, „Потрагата по Елоен Лејбовиц“ и други.