И човекот кој стои зад успехот на „Гоце Делчев – Тиквеш“ осомничен во новата истрага на СЈО
Објавено во: Економија 13 Октомври, 2018
Ристо Милев може да се каже дека е човекот кој стои зад сите успеси на „Гоце Делчев – Тиквеш“, најголемиот производител на грозје на Балканкот.
Човекот кој буквално го познава секое ливче и зрно грозје распоредени на плантажите од 820 хектари распоредени ширум Тиквешијата, кој учествувал во носењето на голем број сортите и клонови од сорти кои денес се присутни во Македонија се најде под лупа на специјалното јавно обвинителство.
Според денешната ново соопштена истрага на СЈО Милев е дел од „Поштенска банка“ финансиска истрага, во рамки на која, три од осомничените девет лица се приведени пред судија на претходна постапка при Основниот суд Скопје 1.
Милев е најголемиот акционер на земјоделскиот комбинат „Гоце Делчев Тиквеш“ од Кавадарци и тој поседува над 58 отсто од акциите и може да одлучува за најголем дел од прашањата кои се однесуваат на работењето на друштвото.
Што се поседува „ГД Тиквеш“?
Основна дејност на ГД-ТИКВЕШ АД Кавадарци е земјоделско производство. Вкупната површина на која друштвото го врши своето производство е 1.042 хектари. Основни производи се винско грозје на површина од 555 хектари и асталско грозје на површина од 250 хектари. Винското грозје е застапено со 69 отсто, а асталското со 31 отсто. Продажбата на своите производи ГД-ТИКВЕШ во последните неколку години ја остварува на домашниот пазар, а од другите држави продажба се остварува во Република Србија и во Белорусија. Споредни дејности се одгледување на житни култури, фуражни култури и овоштарство од кое на површина од 38 хектари е застапен насад со праски.
Во последнава година се истргувани само 72 акции на оваа компанија. Тие се тргувани по цена од 153 денари за акција.
Приходи поголеми од 4 милиони евра и добивка од скоро 300 000 евра забележал лани земјоделскиот комбинат „Гоце Делчев Тиквеш“ од Кавадарци .