И Ципрас ќе реферира на „лидерска“
Објавено во: Балкан 18 Мај, 2018
Во текот на викендот, грчкиот премиер Алексис Ципрас има намера да ги извести претседателот на Грција, Прокопис Павлопулос и лидерите на политичките партии за разговорите за името, по средбата со неговиот македонски колега во Софија.
Грчки владини извори ги брифираат новинарите во Грција за тоа дека Атина не отстапува од нејзината позиција за ерга омнес име и уставна ревизија, како главни предуслови за да постои договор, јави дописничката на МИА од Атина.
Истовремено во Охрид во рамки на процесот Жан Моне, македонскиот премиер Зоран Заев, ќе се сретне со останатите лидери на македонските политички субјекти на засега неформална лидерска средба.