07 Декември, 2022
0.0262

ИМАМ ИЗБОР: ЗАТВОР ИЛИ ДА СТАНАМ УБИЕЦ - некои бегаат, а некои не можат да побегнат од мобилизацијата на Путин

Објавено во: Свет 25 Септември, 2022

Добивај вести на Viber

Многу мажи се обидуваат да ја напуштат Русија поради страв од мобилизација. ДВ разговараше со некои што си заминаа последниве денови, и со оние што останаа.

Според Министерството за одбрана, воен рок чекаат триста илјади лица помлади од 55 години, а само оние кои веќе отслужиле војска.

Домашните медиуми јавуваат дека се јавуваат и постари лица, но и оние без воено искуство. Критичкиот весник Новаја Газета Европа дури тврди дека Кремљ планира да повика до милион војници. Гласините се сеприсутни. Кремљ негира, но луѓето се во неизвесност.

- Не е дека се плашам. Ако сакаат, ќе не фатат секого - резигнирано вели Михаил Бајанкин (28), магационер од Череповец. Тој тврди дека ќе одбие да оди во војна, дури и ако тие дојдат по него.

- Зборуваат за должност. Која должност? Би отишол доколку ја нападнеа нашата земја, но еве ние напаѓаме соседна земја - изјави Бајанкин за ДВ.

Тој вели дека за руските власти човечките животи не вредат ништо.

- Не праќаат на фронт, а не им е грижа дали ќе се вратиме. Ние сме само топовско месо за нив.

Се чини дека многу луѓе размислуваат на ист начин. Очевидци и видеа говорат за долги редици на границите. Кој нема виза, вози во Грузија, Казахстан или Монголија. Кој има пари оди во Обединети Емирати или Турција. Се бараат и Финска и Србија.

34-годишен инженер од Краснодар, кој побара да остане анонимен, штотуку пристигна во главниот град на Грузија, Тбилиси. Претходно тој беше договорен војник и со тоа имаше поголеми шанси да биде мобилизиран.

Тој за ДВ вели дека веќе сака да си замине, а мобилизацијата само ја забрзала одлуката.

- Не ја напуштив мојата земја засекогаш. Ја сакам Русија и сигурно ќе се вратам еден ден – вели тој.

Валери Клепкин (43) до пред два дена живеел на северот на Русија и служел во полиција. Тој вели дека од почетокот на војната добил неколку повици од военото одделение, но не отишол.

- Јас сум резервен офицер. Не сакав повеќе да чекам бидејќи тогаш ќе имав само избор да одам во затвор или да станам убиец - вели тој за ДВ.

Со првите вести за мобилизацијата, Клепкин си ги спакувал работите и заминал во Финска каде има многу пријатели. Тој вели дека веќе го знае јазикот бидејќи неговиот дедо живеел во Финска.

Затворени патишта

Патот кон балтичките држави е затворен. Лидерите на Естонија, Летонија и Литванија најавија дека Русите треба да останат во својата земја и да се борат против режимот на Путин. Така е и во Чешка. Финска, од друга страна, би можела да го затвори транзитот за Русите.

Рускиот опозициски политичар Лев Шлозберг ги критикува ваквите одлуки. Тој во интервју за ДВ ги повика балтичките и источноевропските земји да попуштат пред сопствените десничарски популисти и да подигнат нова железна завеса.

- Порано или подоцна сите повторно ќе живееме во мир. И колку е поголем јазот меѓу нас сега, толку потешко ќе биде повторно да се зближиме – изјави Шлосберг.

Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2022 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.

Можеби ќе ве интересира

Ангела Меркел ги призна своите грешки

Ангела Меркел ги призна своите грешки

Путин ќе мора да се откаже, Кулеба ги кажа двата услови за мир

Путин ќе мора да се откаже, Кулеба ги кажа двата услови за мир

СУДИЈКА, НАРЕДНИК, ПОЛИЦАЈЦИ, ВОЈНИЦИ МЕЃУ УАПСЕНИТЕ ВО ГЕРМАНИЈА: Екс-пратеничката на АФД поседува огнено оружје

СУДИЈКА, НАРЕДНИК, ПОЛИЦАЈЦИ, ВОЈНИЦИ МЕЃУ УАПСЕНИТЕ ВО ГЕРМАНИЈА: Екс-пратеничката на АФД поседува огнено оружје

Хромозомот Y полека изумира, дали човештвото ќе изумре со него?

Хромозомот Y полека изумира, дали човештвото ќе изумре со него?

УАПСЕНИТЕ ИМАЛЕ ВОЕНА ОБУКА, ТОА СЕ ЕКС ГЕРМАНСКИ ВОЈНИЦИ: Нивните планови вклучувале и нарачани убиства во Берлин

УАПСЕНИТЕ ИМАЛЕ ВОЕНА ОБУКА, ТОА СЕ ЕКС ГЕРМАНСКИ ВОЈНИЦИ: Нивните планови вклучувале и нарачани убиства во Берлин

Украина го стега обрачот околу градоначалникот на Одеса кој бара преговори со Русија

Украина го стега обрачот околу градоначалникот на Одеса кој бара преговори со Русија

ОБИД ЗА ДРЖАВЕН УДАР ВО ГЕРМАНИЈА: Во рацијата „Сенка“ паднаа екстремистите кои планираа вооружен упад во Бундестагот

ОБИД ЗА ДРЖАВЕН УДАР ВО ГЕРМАНИЈА: Во рацијата „Сенка“ паднаа екстремистите кои планираа вооружен упад во Бундестагот

БАНДИ КИДНАПИРААТ, СИЛУВААТ, УБИВААТ: Ова се случува во престолнина на една држава

БАНДИ КИДНАПИРААТ, СИЛУВААТ, УБИВААТ: Ова се случува во престолнина на една држава

Нови „крвави пакети“ стигнаа во две украински амбасади

Нови „крвави пакети“ стигнаа во две украински амбасади