ИСКУСТВО ОД ИРСКА: Не дозволуваат да бидете без приходи, тоа е социјално освестена земја
Објавено во: Финансии 13 Јули, 2018
Kристина Поточник од Хрватска две години е во Ирска каде работи како тутор и наставник. Таа за Фактор раскажува дека оваа земја е идеална за работа и живот, и затоа не е сигурна дека еден ден повторно ќе се врати назад во Хрватска.
Разочарана од невработеноста, високите даноци, политичката клима и непотизмот во својата земја решила да побара работа во странство.
„Англофонска земја повеќе ми одговараше од германска. Ирците се многу љубезен и добар народ. Кај нив владее едноставност. Што се однесува до работа, тој што знае англиски јазик, има средно училиште или завршен факултет, за работа нема проблем. Но, оној кој не знае јазик, добива шанса бесплатно да го научи на курсеви кои се платени од Ирска. Тој што нема никаква стручна подготовка добива шанса да се образува. Ирска не дозволува ако си невработен да бидеш без приходи, тоа е социјално освестена земја, има многу бенефиции“- вели таа.
Според проценки во Ирска, на едно четиричлено семејство му се потребни 600 евра за живот, а државата ги субвенционира семејставата додека да се вработат со 400 евра ако имаат деца. Сите кои работат, но не со полно работно време, имаат финансиска помош од државата.
„Тоа е неделно, а не месечно како кај нас. За жал ниту една земја од нашиот дел на Европа не може да се спореди со Ирска, а работа има за сите кои сакаат да работат. Ја сам Хрватска, горда сум што сум Хрватка, но сметам дека за моите ќерки од 12 и 16 години нема иднина во Хрватска“ – додава Поточник.
Објаснува дека во Ирска освен голем број Хрвати, има и Словенци, Босанци, Украинци, Бугари и Македонци во помал број. За Хрватска вели дека ги има сите убави работи кои ги има Ирска, но Ирска е економски и политички постабилна. Во овие денови додека Хрватска доживува големи спортски успеси, вели дека мора под туѓо небо да слави со своите сонародници и Ирците, но додава дека така мора да биде од езгистенијални причини.
Сања Атанасовска