Исламистите убија руски разузнавач и објавија видео
Објавено во: Свет 09 Мај, 2017
Организацијата „Исламска држава“ денеска објави видео од егзекуција на човек за кој се тврди дека е руски разузнавачки офицер, објави сајтот за следење на терористички активности СИТЕ, со седиште во САД.
Руското Министерство за одбрана и Федералната служба за безбедност (ФСБ) не се достапни за коментар, објави Ројтерс.
На снимката, на руски јазик, објавено на денот кога Русија со традиционална парада го одбележува Денот на победата над нацистичка Германија во 1945 година, прикажан е маж облечен во црно во пустина и ги повикува другите руски агенти да се предадат. Снимката трае 12 минути.