„Исламска држава“ изгубила 14% од својата територија
Објавено во: Свет 22 Декември, 2015
„Исламска држава“ изгубила 14% од територијата која ја контролирала во 2014 година. Ова го покажува истражувањето на британскиот институт за одбрана IHS Jane's.
Според социјални мрежи и различни извори во Сирија и Ирак, Институтот проценува дека зоната контролирана од исламистите, се редуцира со 12 800 квадратни километри помеѓу 1 јануари и 14 декември 2015 година. Значи во моментот групата контролира 78 000 квадратни километри територија.
Сириските Курди ја зголемиле тројно големината на зоната под нивна контрола, која во моментов се протега на 15 800 квадратни километри. Една од територијалните загуби на ДАЕШ е северната погранична зона меѓу Турција и Сирија, во регионот на Тал Абијад - еден од главните пунктови за преминување на турската граница, користен од џихадисти. Други значителни загуби ИД претрпела во Ирак, каде го изгуби градот Тикрит и рафинеријата во него.
Режимот на сирискиот претседател Башар Асад, исто изгубила влијание, а веќе контролира 30 000 километри квадратни (со 16 проценти помалку) од земјата со вкупна површина од 185 180 кв.км. Како што се констатира во студијата, „Сириската влада успеала да си врати дел од териториите изгубени во почетокот на годината, благодарение на руската воена интервенција во септември“.
Според податоците на ОН речиси еден милион илегални мигранти, од кои над 500 илјади Сиријци, пристигнаа во Европа по Средоземното Море од почетокот на годината.