ИСПЛИВАА ДЕТАЛИ ЗА УБИСТВОТО НА БРАТОТ НА КИМ: Се траело само 5 секунди!

Добивај вести на Viber

Атентатот на Ким Џон нем , полубратот на водачот на Северна Кореја, траел само пет секунди, открија снимки од безбедносните камери на аеродромот во Куала Лампур, а неговите убијци тврдат дека не знаеле дека ќе го убијат.

Џонх нем, син на покојниот севернокорејски диктатор Ким Џонг ил, го нападнале две жени на меѓународниот аеродром во Куала Лампур додека го чекал летот за Макао, каде живеел во егзил.

Една жена застанала пред него и му привлекла внимание, додека друга го фатила со рака околу врат од зад грб, а потоа лицето му го испрскала со токсичен спреј. Потоа двете избегале. На Ким набрзо му се слошило и побарал помош, а починал на пат од аеродромската амбуланта до болницата Путрајаја.

Со помош на снимката од аеродромот, полицијата ги идентификувала и фатила двете атентаторки-Доан Ти Хуонг (28) и Сити Аисјах (25). Фатен е и партнерот на Сити, Мухамед Фарид Бин Јалалудин. Се верува дека во нападот биле вклучени шест лица.

Извори блиски до истрагата рекле дека шестмина напаѓачи не се познати од порано, но дека сите ги регрутирало исто лице.

Според началникот на посебното одделение на сојузната полиција на Малезија Датук Сери Мохамед Фузи Харун постојат причини за сомнение дека атентатот е дело на странски разузнавачи.

Хуонг и Аисјах и рекле на полицијата дека верувале дека нападот всушност е шега, и не знаеле дека на мета е синот на севернокорејскиот диктатор. Двете тврдат дека се согласиле бидејќи им се ветени 100 долари по завршената работа.

Ким Џонг нем претходно двапати беше мета на атентат, во 2010 и 2011. После вториот напад, го молел својот полубрат, Ким Џонг ун, него и неговото семејство да ги остават на мира.