„ИТНИТЕ СЛУЧАИ НЕ БЕА ОДЛОЖЕНИ, ПОРАДИ ДЕФЕКТ БЕШЕ ОДЛОЖЕН ЕЛЕКТИВНИОТ ПРОГРАМ“ - се огласи Министерството за здравство

Добивај вести на Viber

Министерството за здравство информира дека поради дефект на еден од компресорите во тек на два дена бил одложен елективниот програм, а не, како што тврдат оттаму, итните случаи за операција на пациенти. 

„Не е точна информацијата за наводен колапс на Клинички центар.

Се работи за дефект на еден од компресорите поради што многу инструменти зависат од притисок кој го генерираат пумпите, затоа во тек на два дена елективниот програм, а не итните случаи беа одложени. Проблемот е саниран, а со кислородот немало никаков дефект. Во вторникот е реализирана средба со директорите на Градската општа болница „8 Септември“, ТОАРИЛУЦ, Клиниката за дигестивна хирургија, КАРИЛ кадешто е постигнато усогласување и во тек е усвојување план како ќе се одвива кохортацијата на пациенти кога ќе почне реновирањето на КАРИЛ.

Компресорската станица требала да биде променета уште пред 3 години. Во тек се активности на министерот за здравство за проверка на сите компресорски станици во Клинички центар и брзо ќе се пристапи кон промена на сите компресори кои се дотраени.

Апелираме јавноста да се информира исклучиво од Министерството за здравство, а информациите да не се злоупотребуваат од политичките партии со цел собирање на политички поени“, се вели во соопштението од Министерството за здравство.