Иван Илчев од бугарската билатерална комисија: Македонците уште учат дека прабугарите биле номади

Добивај вести на Viber

Втор заеднички состанок на билатералните комисии од бугарскло-македонскиот мешовит комитет ќе има на 3 и 4 декември годинава, најави професорот Иван Илчев во денешната утринска програма на БТВ. Таа ќе биде проследена со уште пет во 2021 година.

Овој пат атмосферата во Скопје на состаноците на историчарите од двете страни била посмирена, за разлика од онаа во Охрид, пренесува Илчев.

- Овој пат, македонските експерти се согласија дека учебниците по историја за 6 одделение треба се водени од објективно толкување на изворите - точка за која претходно постоеше согласност само за авторите, рече историчарот во студиото на бугарскиот национален сервис.

Според Илчев, сепак, ако амандманите не бидат вклучени во учебниците, оваа мала победа нема смисол.

- Македонските деца сè уште учат дека прабугарите се од номадско потекло. Дури и ако македонските историчари велат дека ова треба да се промени, тоа не се прави, рече Илчев.

Научникот праша реторички зошто сите погледи биле вперени во работата на оваа комисија иако нејзината работа е само една од 40-те точки во договорот за добрососедство.

- Ние мора да се откажеме од фактот дека Македонците се наши браќа и дека тие се земја со свои интереси, вели научникот.

Тој додаде дека неговите колеги од Македонија не сакаат да признаат дека Гоце Делчев потекнувал од бугарско егзархиско семејство, како и низа други факти.

- Комисијата работи на ова прашање полека, рече Илчев.

Според Илчев, 1/3 од жителите на Софија се потомци на македонски емигранти.

Според него, поважно е прашањето кои ќе бидат придобивките и штетите на Бугарија од членството на Македонија во ЕУ. 

- Сепак, никој не напишал анализа за ова, рече професорот.