Изборите за ВМРО ДПМНЕ уште сега не се фер, ќе се слуша за криминалот и во оваа кампања
Објавено во: Македонија 20 Февруари, 2020
Додека владеачката партија го има ставот дека има шанси кампањата да помине во фер атмосфера, за опозицијата стартот на истата е лош.
Министерката за одбрана Радмила Шекеринска и потпретседателот на ВМРО-ДПМНЕ Александар Николовски синоќа во емисијата Топ тема на Телма ги кршеа копјата.
Главна тема беа изборите, кампањата и очекувањата од истите.
Ако судиме според кажаното од Николовски, на повидок е валкана кампања и неферски избори. Од другата страна пак, Шекеринска вели дека има добра шанса за фер кампања.
-И при услови кога техничката влада на старт е дерогирана, а со самото тоа и изборниот процес, така и изборите нема да бидат фер, ама ВМРО ДПМНЕ пак ќе победи-рече Николовски.
Во име на партијата, потпртеседателот на ВМРО ДПМНЕ кажа дека изборите ќе бидат далеку од фер и демократски, а народот во текот на кампањата ќе слуша за криминалот, за изгубеното национално достоинство и нарушената економија.
За корупцијата и криминалот кој допрва ќе се открива, во кампањата акцент ќе има и владеачката партија СДСМ.
Министерката најави дека многу ќе се зборува и за економијата, а она што нема да го имаат е политиката на ВМРО ДПМНЕ , односно на пратеничките листи ќе има еднаква застапеност и на мажи и на жени.