Изборот на Ристо Пенов за нов министер на дневен ред во Собранието
Објавено во: Македонија 25 Октомври, 2022
Според собраниската најава, на денешниот дневен ред е изборот на новиот министер за локална самоуправа Ристо Пенов.
Расправата која беше на дневен ред на 88 пленарна седница, не започна поради отсуството на предлагачот на Пенов за министер, премиерот Димитар Ковачевски.
Како што се наведува, Ковачевски денес би требало да биде присутен на расправата.
Јавноста го паменти Пенов како еден од најдобрите градоначалници на Градот Скопје кој ја имаше функцијата цели осум години, односно два градоначалнички мандати. од 1996 до 2004 година. Под негово раководство во главниот град, токму во тие години беа завршени целосно најзначајните капитални проекти, односно беа реализирани меѓуградската автобуска станица, познатата улица Водњанска, како и градскиот плоштад при што старите гранитни цигли беа земенети со нови.