ИЗМЕРЕНИ 49 СТЕПЕНИ: Пеколното лето урна 200 рекорди
Објавено во: Свет 07 Март, 2019
Најжешкото австралиско лето урна 200 климатски рекорди.
Ова стои во извештај на организацијата „Клајмаут каунсел“ од Сиднеј.
Само за 90 денови во Австралија се регистрирани 206 климатски рекорди.
Аеродромот во Порт Аугусти во јужна Австралија забележа највисока температура ова лето, која на 24 јануари достигна 49,5 степени Целзиусови.
Во Канбера досега е забележано најтоплото лето со 24 дена кога температурата беше 35 и повеќе степени, што е петпати повеќе од летниот просек.
Највисоката температура во декември беше регистрирана во Марбл Бар во западниот дел на Австралија на 27 декември, кога се измерени 49,3 степени. Таму 32 дена температурата беше повеќе од 45 степени Целзиусови.
Шумските пожари почнаа порано и зафатија региони кои обично не се засегнати, а тоа важи за дождовните шуми во Тасманија и Квинсленд.