Извозот лизна поради корона кризата

Добивај вести на Viber

За 9,8 проценти се намалил извозот од земјава во текот на целата 2020 година споредено со гдината претходно. Во сите месеци извезенисе стоки вредни 356.351.499 илјади денари, објави Државниот заод за статистика. Во евра извозот тежи 5. 777.905 илјади евра и бележи пад од 10 отсто во однос на истиот период од претходната година. Вредноста на увезената стока, пак е 468.387. 426 илјади денари, што е за 9.7 проценти помалку во споредба со истиот период од претходната година. Во првата половина од 2020 година сепак извозот беше и подрастично смален.

Трговскиот дефицит, во периодот јануари ‒ декември 2020 година, изнесува 112.035.926 илјади денари. 

Падот на извозот и увозот и воопшто на трговската размена се должи на корона кризата, а во услови на пандемија и чести затворања трпеа доста и извозните компании. 

Трговската размена по производи покажува дека во извозот е најголемо учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта и фероникелот. Во увозот се најмногу застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), плоснатоваланите производи од железо или нелегиран челик, неплатинирани или необложени и другите метали од платинската група и нивни легури, необработени или во облик на прав. 

Во периодот јануари ‒ декември 2020 година, според вкупниот обем на надворешнотрговската размена, Македонија најмногу тргувала со Германија, Велика Британија, Србија, Кина и Грција.