Јанчев го откажа протестот пред ВМРО-ДПМНЕ, наводно на барање на Комисијата за заразни болести
Објавено во: Македонија 28 Октомври, 2020
Митко Јанчев го откажа протестот пред седиштето на ВМРО-ДПМНЕ во понеделник во Скопје, откако градоначалникот на Кавадарци истиот го закажа доцна синоќа како претендент да стане претседател на најголемата опозициска партија во Македонија на местото на Христијан Мицкоски.
Неофицијално, откажувањето е на барање на Комисијата за заразни болести за да нема групирања на мал простор. Поранешниот потпретседател на ВМРО-ДПМНЕ ваква одлука донел по консултации со Министерството за здравство и со Комисијата за заразни болести.
– Оценето е дека во ова време на пандемија, голема е опасноста од вакви собири, а за истиот што беше планиран за во понеделник веќе имаше интерес од над 3.000 луѓе. Затоа решивме, протестот да го одржиме на еден поинаков начин и притоа да ја пратиме пораката, а да ги запазиме здравствените протоколи. Пораката на Мицкоски ќе ја пратиме преку прес конференции на општинските комитети, со кои започнуваме од денеска, па во наредните денови – рече Јанчев за Вечер.
Инаку, Александар Пандов, претседателот на Патриотскиот институт на ВМРО-ДПМНЕ, во меѓувреме најави дека ќе го извдаи членството на контрапротест во исто време и на исто место.
„Јас ќе ја искористам таа прилика на твоето доаѓање во Скопје и ќе го повикам членството на ВМРО ДПМНЕ да дојде во исто време и на исто место, па ние да ти го кажеме нашето мислење за тебе! Можеш и Вице да ни го донесеш. Ќе ве личи. А башка и на него имаме што да му кажеме. Таман вие после повторно заедно ќе си прославите. Ти текнува? Исто ко кога стана потпретседател на ВМРО ДПМНЕ“, напиша Пандов на Фејсбук