Јавниот долг лани пораснал за 339 милиони евра
Објавено во: Финансии 31 Јануари, 2020
Јавниот долг на државава за една година се зголемил за 338,7 милиони евра, може да се види од најновите податоци на Министерството за финансии.
Објавена е табелата со состојбата на јавниот долг заклучно со крајот на минатата година, при што може да се види дека на крајот на минатата година тој изнесувал 5,54 милијарди евра, што е пораст за 338 милиони евра во однос на 5,2 милијарди евра колку што изнесувал на крајот на 2018 година.
Гледано во проценти, на крајот на 2019 година долгот е 48,9 отсто од БДП, што е раст за 0,3 процентни поени во однос на 2018 година, кога бил 48,6 отсто.
Државниот долг, пак, гледан во апсолутен износ, на крајот на минатата година бил 4,56 милијарди евра, што е раст за 212 милиони евра во однос на 2018 година, кога бил 4,34 милијарди евра.
Од Министерството за финансии, потенцираат дека државниот долг во 2019 година е намален за 0,4 процентни поени во однос на 2018 година и изнесува 40,2 отсто од БДП.
Ова од причина што кога државниот долг се гледа како релативен износ, односно како процент од БДП, и во тој лучај има намалување.
Но, тој пораснал во апсолутен износ.
Од Финансии тврдат дека јавниот долг е стабилизиран и умерен, односно тој на крајот на 2019 година изнесува 48,9 отсто од БДП. Во 2016 година јавниот долг изнесувал 48,8 отсто од БДП.
„Ако се земе предвид дека во јавниот долг во 2019 е вкалкулиран и негарантираниот долг (од 0,3 процентни поени), кој претходно не бил сметан, во 2019 долгот е на пониско ниво во однос на 2016 година за 0,2 процентни поени“, велат од Финансии.
Додаваат дека јавниот долг во 2019 година заврши под проекцијата на ревидираната Фискална стратегија 2020, од 49,3 отсто. Проекцијата во Фискалната стратегија 2017-2019, подготвена во 2016, за 2019 изнесувала 56 отсто, односно за 7 процентни поени повеќе.
„За разлика од брзорастечкиот јавен долг од 2008 до 2016 година, кога истиот се удвоил од 23 отсто на 48,8 отсто од БДП, сега тој е стабилизиран, што може да се види и од кривата на долгот. Стабилизацијата на долгот се должи на водењето на прудентна политика за јавен долг која ги таргетира компонентите кои го креираат долгот и тоа буџетскиот дефицит, преку негова консолидација и сервисирањето на старите долгови“, велат од Финансии.
Додаваат дека ако порано буџетскиот дефицит достигнувал до 4 отсто од БДП, годинава тој е проектиран на 2,3 отсто, а следните две години ќе се намали на 2 отсто од БДП. Со тоа ќе се стесни просторот за финансирање.Според Финансии, бројот на аукции на државните хартии од вредност исто така е преполовен. Каматните стапки се неколкукратно намалени, така да со пониска камата се рефинансираат старите издадени државни хартии од вредност кои доспеваат.
Опозицијата, пак, постојано ја критикува Владата дека таа постојано го зголемува задолжувањето на идните генерации.
Н.Н.Ф.
Можеби ќе ве интересира
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
НАЈСТАРАТА МАКЕДОНСКА БАНКА СЛАВИ 80 ГОДИНИ, А ИМА И УБАВА ВЕСТ - еве како оствари чист профит поголем од 14 милиони евра
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
ПЛАТА 120.000, А НЕ ВИ ТРЕБА ФАКУЛТЕТ! Младите се почесто отвораат сопствен бизнис во оваа област, а работници нема доволно во Србија
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
