МВР: ПРИВЕДЕН ВРАБОТЕН ВО ЈСП ПОРАДИ ДОЈАВА ЗА БОМБА, се прават антитерористички проверки

Добивај вести на Viber

Јавното сообраќајно претпријатие Скопје преку соопштение информира дека денеска од полициски службеници е приведен Ј.И. вработен во ЈСП, постапувајќи по пријава од ЈСП околу 5 часот.

Во пријавата се наведува дека од неговиот мејл пристигнала порака на службениот мејл на ЈСП и на мејловите на сите директори и повеќе служби во ЈСП дека поради нередовното земање на плата планирал да постави бомба во автобус на ЈСП, која би експлодирала денес за време на протестите.

Се вршат антитерористички проверки и се преземаат мерки за расчистување на случајот, стои во соопштението од ЈСП.

Од МВР пак соопштуваат дека „денеска од полициски службеници е приведен Ј.И. вработен во ЈСП, по претходна пријава околу 5 часот од ЈСП дека од неговиот меил на службениот меил на ЈСП и на мејловите на сите директори, службите за финансии, правни и други служби во ЈСП пратил меил со закана дека поради нередовното земање на плата планирал да постави бомба во автобус на ЈСП, која би експлодирала денес за време на протестите. Се вршат антитерористички проверки и се преземаат мерки за расчистување на случајот“.

Фактор веќе објави дека јавниот превоз е во колапс поради дојава дека во автобус на ЈСП „Скопје“ е поставена бомба од сообраќај се повлечени сите автобуси на претпријатието.