Какликис: Грчката страна треба да ги убеди, не да ги притисне

Добивај вести на Viber

Поранешниот грчки амбасадор во земјава,  Јоргос Какликис во разговор за CNN.GR, се потсетува на периодот кога бил амбасадор во Македонија и моментот кога во 2001 двете земји биле на чекор до решение откако грчката влада покренала иницијатива за разговори во Скопје.

Кај него има умерен оптимизам за решавање на спорот за името. 

Вели дека додека политичкиот свет во големо мнозинство прифати едно од трите имиња што ги предложи Грција, со нивна словенска формулација и за надвор и за внатре, на крај, тогашниот претседател државата плашејќи се дека нема да бидат задоволени желбите на народот одбил да продолжи. 

„Ако ме прашувате сега дали сум оптимист, би ви рекол дека сум умерен оптимист. Имаме сега една генерација, што се прашува зошто им велиме дека не се Македонци. Тој е делот кој грчката страна треба да ги убеди, не да ги притисне, туку да ги убеди, со логични аргументи, да успее во овој мал временски период што преостанува, до конечниот договор меѓу двете земји, да ја убеди барем власта на другата страна и таа да започне со преземања иницијативи пред нејзината јавноста за да покаже дека поголем е интересот на земјата и на граѓаните да биде во добри односи со Грција и да не се базира на историски неточни верувања, отколку да продолжи со оваа тактика што нема да ги одведе никаде“- раскажува поранешниот грчки амбасадор.