Како Путин ја спаси „Роснефт“ и што доби за возврат?

Добивај вести на Viber

Пред две години рускиот енергетски гигант „Роснефт“ беше погоден од падот во цените на нафтата и наметнатите од Западот санкции против Москва. Тогаш производителот беше изведен пред 20 милијарди долари долгови.

Компанијата беше принудена да побара финансиска помош од 15 милијарди долари, откако успеа да добие таква, соработувајќи со Централната банка на Русија. Кредитот сепак ги „штрекна“ инвеститорите кои побараа големи дивиденди поради превирањата на пазарот.

Поради кризата со „Роснефт“ главниот и извршен директор на компанијата Игор Сечин не уживаше поддршка од Кремљ. Денес сепак руската влада го промени правецот и побара помош од производителот.

Во сегашната ситуација корпорацијата помага за пополнување на широката дупка во државниот буџет, пишува Bloomberg.

„За Кремљ е многу важно што во моментов „Роснефт“ е силна компанија, коментира аналитичарот од Оксфордскиот институт за енергетика Џејмс Хендерсон и дополнува: „Внатрешната и надворешната политика на земјата зависат од тоа“.

Минатата недела „Роснефт“ купи контролен пакет акции од друга државна нафтена компанија за 330 милијарди рубљи или 5 милијарди долари, а тоа се смета за најголемиот договор за приватизација во земјата за оваа година. Станува збор за договорот со производителот „Башнефт“.

Потоа претседателот Владимир Путин објави дека компанијата има план да откупи од Владата сопствени акции за 11 милијарди долари. Во својот пост од Bloomberg посочуваат дека обновата на „Роснефт“ постои, и покрај сеуште ниските цени на црното злато.

Според експертите за тоа придонес имаат неколку фактори - вештиот финансиски инженеринг, слабата рубља, политичката поддршка и малку помош од пријатели, во случајот обезбедување на милијарди долари финансиски предплаќања од купувачи во Кина.

Резултатот? Пазарната капитализација на енергетскиот гигант кон крајот на вториот квартал на годината е 22 милијарди долари или речиси двојно поголема во споредба со истиот период на 2015-та.