Каков став зазема Русија за цената на нафтата?
Објавено во: Економија, Свет 14 Октомври, 2016
Рускиот претседател, Владимир Путин се залага за постигнување на глобален договор за замрзнување на производството на нафта.
Според него, две земји треба да постигнат договор, но и тоа прашање може да се реши.
„Единствен проблем до денес е постигнување на договор меѓу Саудиска Арабија и Иран. Нивните ставови значително се приближени“ - вели Путин.
Путин неделава кажа дека Русија, иако не е членка на Организацијата на земјите извознички на нафта (ОПЕК), сепак е подготвена да се приклучи на заедничките напори за ограничување на производството на нафтата. Тој смета дека таа мерка е единствен начин за стабилизирање на нафтениот пазар по долгиот период на ниски цени на енергенсот.
На цените на нафтата влијаат фундаменталните економски и шпекулативни фактори, изјави Путин пред неколку месеци на состанокот со претставниците на нафтената индустрија.
Руските компании, кажа Путин тогаш се сложуваат со идејата за замрзнување на нивоата на производство на нафта.