Камчев го продаде својот удел во МПМ

Добивај вести на Viber

Со одлука на Управниот одбор на компанијата, донесена на 12.12.2016 година а спроведена во Централниот регистар на РМ на 15.02.2017 година, компанијата „Интернет груп инвестмент“ го продаде својот удел во „Графички центар” ДООСкопје, сопственик на „Медиа Принт Македонија“ (МПМ), по номинална цена.

„Сите обврски кои компанијата ги имаше кон вработените заклучно со 31.12.2016 година се подмирени. Во наредните денови ќе се подмират и обврските кон платите за месец јануари 2017 г“ стои во соопштението до медиумите. 

Според документите од Централен регистар, компаниите „Орка Холдинг“ управувана од Јордан Камчев и компанијата „Интернет Инвестмент Груп“ чиј што сопственик е Јана Станисаљева излегоа од сопственичката структура на „Графички центар ДОО“, долгогодишен сопственик на Македонија Медиа Принт (МПМ), издавач на весниците „Дневник“, „Утрински весник“, „Вест“, „Македонски спорт“, порталот „Телеграф“, магазинот „Теа модерна“.

За оние кои не се упатени станува збор за продажба на делот на Орце Камчев во МПМ.

Меѓу вработените пак владее голема неизвесност бидејќи тие не знаат што ќе им донесат овие структурни промени, а за утре најавија штрајк откако не ја добиле јануарската плата во предвидениот рок кој како услов му го доставија на менаџментот. 

Според она што е најавено нема да работат 4 часа и со транспаренти ќе ја заобиколат канцеларијата на МПМ.