Катругалос: Радикалните гласови и од двете страни не сакаат решение
Објавено во: Балкан 25 Јануари, 2018
Aлтернативниот министер за надворешни работи на Грција, Јоргос Катругалос вели дека со преименувањата се прави првиот чекор, односно во пракса се применуваат изјавите за добра намера и волја за справување со иредентизмот.
Тој кажа дека радикалните гласови и од двете страни не сакаат решение, но потребно е да се најде решение кое ќе биде во корист и интерес на двете земји.
„Она што сакавме од другата страна, беше потврда на нејзините намери да премине кон суштински разговори. Односно во пракса да ги примени изјавите за добри намери во справување со иредентизмот. Се направи првиот чекор, не и последен“- изјави Катругалос, пренесува МИА.
Алтернативниот министер за надворешни работи ја изрази и желбата на грчката Влада да ги затвори сите проблеми со кои земјата се соочува во изминатите години, како во внатрешната, така и во надворешната политика. во однос на неговата оцена на вчерашната средба во Давос на двајцата премиери.
Катругалос на средбата со новинарите, објасни што точно значи втората фаза на договорот за асоцијација со ЕУ, што ќе се ратификува во грчкиот Парламент, во однос на тоа што синоќа од Давос го најави Ципрас. Централни теми во договорот, според него, се политичкиот дијалог во првото поглавје, второто се однесува на прашањата поврзани со економска соработка, а третото, пренесување на техничко знаење.