Кил победи, но Вардар меѓу најдобрите четири
Објавено во: Стил 29 Април, 2018
Благодарение на повеќе постигнати погодоци на гостински терен Вардар оди на фајнал-фор во ракометната Лига на Шампиони, откако загуби во Јане Сандански со 27-28 против големиот Кил во драматичен и исцрпувачки реванш-натпревар од четвртина-финалето.
Црвено-црните одат понатаму само поради победата на гости од еден гол разлика и повеќе постигнати голови како гостина во „Шпаркасе арена“.
Со два гола на Нилсон бундеслигашот израмни на 15-15 во второто полувреме. Сепак, се разигра Вуко Борозан, кој беше најдобар стрелец на натпреварот со шест погодоци. Во овој период се истакнуваше и Мораеш кој ја тресеше мрежата, изнудуваше седмерци и исклучувања кај противникот. Голманот Штербик имаше клучни одбрани од седмерец и добро ги затвораше аглите. Тимур Дибиров се истакна кога најмногу требаше со два гола по ред за 20-17 и 21-17.
Тоа воедно беше и највисокото водство на европскиот првак во текот на натпреварот, но германскиот великан не мислеше да се откаже. Драмата се чини дека ја заврши џинот Криштопанс со својот четврт гол на мечот за 27-26. Тогаш Кил иако се трудеше да прави брзи напади, а истовремено Вардар грешеше, се чинеше дека нема да има време за нив да направат пресврт во последните моменти.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
