Кинеската армија со писмо до САД
Објавено во: Свет 23 Септември, 2018
Кинеската армија изрази силна огорченост поради воведувањето американски санкции и ги повика САД веднаш да ја повлечат одлуката, соопшти Министерството за одбрана на Кина.
Портпаролот на кинеската војска изјави дека овој потег на САД е „флагрантно кршење на основните правила на меѓународните односи” и дека е вистински „показател на хегемонизмот”, кој тешко ги нарушил односите на Кина и САД, како и меѓу армиите на двете земји.
– Бараме американската страна веднаш да ја поправи својата грешка и да ги повлече т.н. санкции. Во спротивно, американската страна ќе мора да ги сноси последиците предизвикани од овој чин, рече тој.
Тој наведе дека кинеската војска испратила протест до американската страна, објави агенцијата Ксинхуа.
Вашингтон на кинеската војска воведе санкции поради купувањето руски борбени авиони и проектили земја-воздух.
На мета на санкциите се најдоа и кинеското Одделение за развој на опрема и директорот Ли Шангфу поради „значителни трансакции“ со рускиот државен извозник на оружје „Рособоронекспорт“.
Американската администрација на црната листа стави уште 33 кинески државјани и субјекти кои соработуваат со руската армија и разузнавачката служба.
Санкциите се воведени врз основа на актот усвоен во 2017 година во САД наречен „Акт на борбата против американските противници преку санкции“.
Кинески функционер истакна дека воената соработка меѓу Кина и Русија е вообичаена соработка помеѓу двете суверени држави, во согласност со меѓународното право, и дека САД нема право да се меша во таквата пракса.
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
