Кирил Топалов тврди дека Македонија е зависна од Србија и дека секој потег е диктиран од Белград
Објавено во: Македонија 27 Декември, 2021
Бугарскиот професор Кирил Топалов, вели дека политичарите кои ќе ја предадат бугарската кауза во Македонија се осудени на политичко самоубиство.
Тој во интервју за БГНЕС обвинува дека Македонија е последен бастион на титоизмот, дека е зависна од Србија.
„Македонија не е независна држава. Зависна е од Србија, секој нејзин потег е диктиран од Белград. Треба да ги бараме подлабоко корените на проблемите и да не негуваме многу оптимизам дека лесно ќе се справиме со антибугаризмот таму“, вели Топалов.
Тој уште ги обвинува македонските политичари дека ја користат Бугарија како изговор за немањето желба да се реформираат. Тврди дека македонските партии ја користат Бугарија како алиби.
„РСМ никогаш нема да влезе во ЕУ пред Србија. Белград нема да ја пушти. Зад ова кочење на Македонија и Србија стои една друга голема сила. Ние треба да ја заштитиме нашата историја, доведени сме до работ, во спротивно нашиот историски идентитет ќе пропадне“, тврди Топалов.Професоорот ги обвини македонските членови во Заедничката комисија дека се добро обучени фалсификатори на историјата.