Ќе ги продолжи ли Вучиќ разговорите со Приштина?
Објавено во: Балкан 29 Март, 2018
Не знам да ви кажам дали ќе ги продолжиме разговорите со Приштина, бидејќи и самиот не знам како“, рече српскиот претседател, Александар Вучиќ.
Исто така, рече тој, на сите треба да им биде јасно дека Приштина самата не одлучува за сѐ, туку наместо неа тоа го прават спонзорите на нејзината независност.
Одговарајќи на прашањето на новинарот за разговорот со рускиот претседател Владимир Путин, Вучиќ рече дека му сметаат оцените на некои медиуми, во кои тој е критикуван поради разговорот со Путин.
„Разговарав со сите и разговарам со сите. Во Европа не постои некој кој не зборува со Путин. Денес ќе разговарам и со Ердоган, разговарав и со Федерика Могерини, истиот ден. Јас веќе ништо не разбирам. Мојата работа е да разговарам со сите и сите да ги запознаам со ситуацијата на КиМ и барам одговори“, рече Вучиќ. Додаде дека е тешко да се разговара со некој кој е спонзор на независноста на Косово, а тоа се САД. „Тие тоа не го кријат и со тоа се гордеат, како и некои западни земји. Кога со нив разговарате гледате дека на Албанците сѐ им е дозволено“- рече Вучиќ.
Според него, западните лидери страшно се нервираат кога ќе им се покажат документи, со исклучок на Могерини која имаше храброст одма да дојде во Белград.