Ќосето му даде совет на Ѓорчев за претседателската кампања
Објавено во: Македонија 24 Јануари, 2019
Горан Ангелов Ќосето, еден од обвинетите за упадот во Собранието на 27 април, му порача на Влатко Ѓорчев како внатрепартиски кандидат за претседател на Македонија од редовите на ВМРО-ДПМНЕ во својата кампања да ги посети и семејствата на обвинетите и осудените од „крвавиот четврток“.
Ќосето му се обрати на пратеникот на социјалните мрежи, откако Ѓорчев вчера беше првиот што објави дека се пријавил на огласот на ВМРО-ДПМНЕ како кандидат за иден шеф на државата преку најголемата опозициска партија.
„Влатко, а да најдеше минута време да ги посетеше фамилиите на затворените од 27. И тие луѓе имаат деца, не чуваат мачиња, знае тој како е, има четири. 15 месеци никој не собра храброст да посети ниту едно дете од гореспоменатите семејства, сега ќе барал гласови и ќе посетел секого?!“, напиша Ангелов на својот Фејсбук профил.