Кочан се врати во Македонија?
Објавено во: Македонија 15 Мај, 2017
Сеад Кочан, избеганиот бизнисмен што полицијата до петокот го бараше со потерница затоа што е осомничен во еден од случаите на Специјалното јавно обвинителство, ноќеска бил примен како итен случај во една од клиниките на Клиничкиот центар Мајка Тереза во Скопје, објави САКАМДАКАЖАМ.МК.
Изворите, кои сакаат да останат анонимни затоа што не се овластени да даваат изјави за јавност, не сакаа да потврдат дали пациентот бил задржан на болничко лекување. Поради специфичноста на случајот официјални изјави нема, но Кочан, кој сега има брада, вчера во доцните попладневни часови беше забележан во Клиничкиот центар. На клиниката каде што се пријавил како итен случај дошол само во придружба на сопругата пишува порталот.
Повлечена беше потерницата по Сеад Кочан уште во петокот. Сметките на неговите фирми се блокирани, а поголемиот дел од имотот замрзнат.
Сеад Кочан, сопственик на Трансмет и ТВ Нова е главен осомничен во случајот на СЈО „Труст” во кој се терети дека со фалсификувани документи наместил тендер од ЕЛЕМ во вредност од 17 милиони евра.