Коѕијас: Преговорите не се права линија, тргнавме и одиме на маратон

Добивај вести на Viber

Грчкиот министер за надворешни работи, Никос Коѕијас во интервју за грчката телевизија „Контра“ изјави дека со телефонскиот разговор меѓу двајцата премиери Алексис Ципрас и Зоран Заев е направен решителен чекор. 

„Утре ќе разговараат повторно двајцата премиери и ќе го завршат разговорот што го започнаа денес“- рече тој и објасни дека „преговорите не се права линија, тргнавме и одиме на маратон“, туку дека преговорите се „напорен пат со подеми, падови и тешкотии“ и затоа Коѕијас вели дека е „потребно трпение и трезвеност“.

Во однос на европската и евроатланската перспектива на Македонија, Коѕијас рече дека со ратификуван договор во нашето Собрание, Грција ќе даде зелено светло на самитот на министри за надворешни работи на ЕУ на 25 јуни, а ако сѐ оди според планираното НАТО ќе достави покана за членство на нашата земја.

„Секако, доколку ги имаме навистина решено сите проблеми, се надевам дека утре ќе завршиме, ние треба да помогнеме и да ги поддржиме овие земји на нивниот европски пат“- рече Коѕијас. 

Во однос на членството во НАТО, објасни покана е она што може да се даде, како што е планирано, ако сѐ биде во ред на Самитот на 11 и 12 јули, додавајќи дека за оваа покана потребни се ратификации од сите земји членки.

Во однос на тоа кога договорот би пристигнал во грчкиот парламент, Коѕијас истакна дека потребно е да се завршат сите внатрешните процеси кај нас за да започне процесот за членство во ЕУ и НАТО, а потоа и Грција ќе го ратификува договорот за да стапи во сила.