Коѕијас во офанзива: Ќе објавува документи како преговарала грчката опозиција
Објавено во: Балкан 15 Јуни, 2018
Никос Коѕијас, министерот за надворешни работи на Грција, ќе ја искористи законската можност и ќе ги објави сите документи за тоа како од 1992 година преговарале минатите грчки влади со македонските во спорот за решавање на прашањето со името Македонија. Шефот на грчката дипломатија алудира на тоа дека актуелната грчка влада не е единствената до сега која дозволува отстапки, односно дека во тоа ќе се пронајдат и некои актуелни грчки опозиционери.
На денот на гласањето за доверба на владата на грчкиот премиер Алексис Ципрас, министерот за надворешни Коѕијас ќе декласифицира 33 документи за тоа како преговарале за името претходните влади.
Грчките медиуми јавуваат за вистинска „бомба“ – од документите кои биле чувани во строга доверба, јавноста ќе може да дознае кои варојанти ги предлагале претходните влади во периодот од 1992 година до сега.
Според изворите од грчкото МНР,, декласификацијата е целосно законска.
Ова била причината зошто Дора Бакојани од Нова Демократија изгубила такт за време на парламентарната седница и жестоко го нападнала министерот за надворешни Коѕијас.
Останува да се види дали нешто може да се извлече и за позициите на македонските функционери во контекст на 33-те документи што планира да ги декласифицира Коѕијас