КОЕ ИМЕ ЌЕ БИДЕ ИЗБОРОТ НА ЗАЕВ И АХМЕТИ: Владеачката коалиција на избори со заеднички кандидат

Добивај вести на Viber

Партиите од владеачката коалиција ќе имаат заеднички кандидат на претстојните претседателски избори, се договорија лидерите на СДСМ и ДУИ Зоран Заев и Али Ахмети.

Тоа пред новинарите го кажа лидерот на ДУИ Али Ахмети, по состанокот кој е одржан во зградата на парламентот и најави дека името на заедничкиот кандидат ќе се објави во петок.

-Со ова им праќаме порака на граѓаните дека имаме зрели политички партии кои можат да донесат одлука за заеднички претседателски кандидат. Разговаравме за имињата и во следните денови ќе се одлучиме за еден од нив - кажа Ахмети.

Лидерот на ДУИ потсети и дека и претходно имало обиди македонските и албанските партии да имаат заеднички кандидат на изборите за претседател на државата, но дека биле неуспешни.

Ахмети најави дека во наредните денови ќе ги продолжи консултациите со помалите партии на Албаницте за поддршка на заедничкиот кандидат.

Минатата недела Заев доби поддршка за заеднички кандидат на дваесеттина помали партии во изборната коалиција и од помалиот партнер во владата, партијат на Африм Гаши Алтернатива.

ВМРО ДПМНЕ за свој кандидат за шеф на државата ја избраа професорката Гордана Силјановска Дафкова.

Изборите ќе се одржат на 21 април , а доколку ниту еден кандидат не победи во првиот круг, вториот круг на шестите по ред претседателски избори ќе биде на 5 мај.

Официјалниот дел од кампањата за изборите со одлука на ДИК ќе почне на 1 април.

Мандатот на Иванов завршува на 12 мај.