Кои земји веќе ја пречекаа Новата година?
Објавено во: Свет 31 Декември, 2016
Празнувањата по дочекот на новата 2017 година веќе почнаа на многу места во светот.
Први 2016 година ја испратија жителите на островската држава Тонга, Кирибати и Самоа.
По нив со раскошна огномет славеа во Нов Зеланд и Австралија.
Во Јапонија пак на улиците побрзаа да се послужат со туна и ракови, каде морските плодови се традиционално јадење во новогодишната ноќ.
Јужна Кореја го пречекува празникот на малку необичен начин - со протест. Дури и доаѓањето на новата 2017 година не може да ги спречи незадоволните од претседателот Пак Кан Хах да излезат на улиците и да побараат оставка.
И додека некаде веќе се радуваат на новата година на други места во светот 2017 година се очекувана со нетрпение. Иако уште е 2016 година во Шпанија веќе почнува традиционалното јадење на грозје за Нова година. Според верување на луѓето треба да јадат по едно зрно на секој удар на часовникот на полноќ, што ќе донесе среќа во текот на целата следна година.
Швајцарија исто така се подготвува за новата година со необична традиција. Таму се капат во ледените води на езерото Мозел, што ќе им донесе здравје и успеси.
Во Бразил ќе ја дочекаат Нова година повторно крај водата, но при поубаво време. Властите во Рио де Жанеиро очекуваат над 2 милиони луѓе да се соберат на плажата Копакабана.