Кој ја хакира Ангела Меркел?
Објавено во: Свет 04 Јануари, 2019
Хакери објавија доверливи информации на стотици германски политичари и новинари, соопшти агенцијата Блумберг.
Подоцна се покажа дека и канцеларката Ангела Меркел е меѓу засегнатите од масовниот хакерски напад на германски политичари, чии податоци се истечени на „Твитер“.
Објавените податоци вклучуваат информации како телефонски броеви, снимки на лична карта и лична кореспонденција. Податоците се објавени на профил на социјалната мрежа „Твитер“ со над 17.000 следбеници.
Нападот од хакерите беше објавен од локалниот медиум РББ. Со објавените информации се опфатени претставници на сите парламентарно претставени партии во земјата, со исклучок на ултрадесничарската партија „Алтернатива за Германија“, пишува РББ.
Германската разузнавачка служба сé уште нема изнесено официјален став за случајот.